Rien çà-bas qui ne soit par naturel devoir, esclave de labeur : non seulement nous hommes, qui vrais enfants de peine et de misère sommes, mais le Soleil, la Lune et les Astres des Cieux Font avecques travail leur tour laborieux.

… Où est l’homme çà-bas, s’il n’est bien miserable, Et lourd d’entendement, qui ne veuille estre hors De l’humaine prison de ce terrestre corps? Ainsi qu’un prisonnier qui jour et nuict endure Les manicles aux mains, aux pieds la chesne dure, Se doit bien resjouyr à l’heure qu’il se voit Delivré de prison: Ainsi l’homme se doit Resjouyr grandement, quand la mort lui deslie Le lien qui serroit sa miserable vie, » Pour vivre en liberté: car on ne sçauroit voir »Rien çà-bas qui ne soit par naturel devoir » Esclave de labeur: non seulement nous hommes » Qui vrais enfans de peine et de misere sommes, Mais le Soleil, la Lune et les Astres des Cieux Font avecques travail leur tour laborieux: La mer avec travail deux fois le jour chemine: La terre, tout ainsi qu’une femme en gesine (Qui pleine de douleur met au jour ses enfans) Ses fruits avec travail nous produit tous les ans: Ainsi Dieu l’a voulu, à fin que seul il vive Afranchy du labeur, qui la race chetive Des humains va rongeant de soucis langoureux. Pource l’homme est bien sot, ainçois bien mal heureux Qui a peur de mourir, et mesmement à …